തിരുവനന്തപുരം: ജില്ലാ പഞ്ചായത്ത് സീറ്റ് വിഭജനത്തിൽ ഇടുക്കിയിൽ കോൺഗ്രസും ലീഗും ഇടയുന്നു. അടിമാലി ഡിവിഷൻ തങ്ങൾക്കുവേണമെന്ന ലീഗിന്റെ ആവശ്യം കോൺഗ്രസ് തള്ളി.
ചർച്ചകളിൽ തീരുമാനമായില്ലെങ്കിൽ മുന്നണി വിട്ട് മത്സരിക്കുമെന്ന് മുസ്ലിം ലീഗ് അടിമാലി താലൂക്ക് പ്രസിഡന്റ് ബഷീർ പഴംപള്ളിത്താഴം പറഞ്ഞു. കോട്ടയം ജില്ലയിലും കോൺഗ്രസും ലീഗും തമ്മിലുള്ള തർക്കം തുടരുകയാണ്.
മുണ്ടക്കയം, എരുമേലി ഡിവിഷനുകളിൽ ഒന്ന് തങ്ങൾക്കുവേണമെന്നാണ് ലീഗിന്റെ എന്നാൽ ഈ രണ്ടു സീറ്റു വിട്ടുകൊടുക്കാൻ കോൺഗ്രസ് തയാറല്ല. വയനാട്ടിലും സീറ്റ് വിഭജനത്തിൽ തർക്കം രൂക്ഷമാണ്. കോൺഗ്രസും കേരള കോൺഗ്രസ് ജോസഫ് വിഭാഗവും തമ്മിലാണ് തർക്കം.
സുൽത്താൻബത്തേരി നഗരസഭയിൽ ഒറ്റയ്ക്ക് മത്സരിക്കാൻ കേരള കോൺഗ്രസ് ജോസഫ് വിഭാഗം തീരുമാനിച്ചു. സിറ്റിംഗ് സീറ്റായ തേലംപറ്റ നൽകാതത്തിൽ പ്രതിഷേധിച്ചാണ് യുഡിഎഫ് വിട്ട് ഒറ്റക്ക് മത്സരിക്കുന്നത്. ഈ ഡിവിഷനിൽ സ്വന്തം സ്ഥാനാർഥിയെ നിറുത്തുമെന്നും നേതാക്കൾ പറഞ്ഞു.